في امتحان دبلومة الترجمة جامعة
.......................
الامتحان كان ورقتين، ورقة سؤال وترجمة من عربي لانجليزي والورقة التانية سؤال وترجمة من انجليزي لعربي
الورقة بتاعة من انجليزي لعربي سؤالها كان ايه دور الترجمة في العصر الحديث
الطلاب احتاسوا، يعني ايه دور الترجمة في العصر الحديث؟ وايه المطلوب من السؤال الملعبك ده؟ ويعني عصر حديث اصلا، يعني من سنة كام لسنة كام؟؟
الورقة بقى بتاعة من عربي لانجليزي كان سؤالها عن العولمة
وهنا كانت كارثة طبعا
يعني ايه عولمة؟؟ وهي ليه الاسئلة جاية صعبة كده وايه علاقة الاسئلة دي بدلومة الترجمة؟
هي العولمة دي يعني مايكونش في حدود بين الدول والناس تدخل من غير باسبور وكده؟؟
سؤال سألته مترجمة مصرية في ابو ظبي في اواخر العشرينات وجاية تدرس هنا في مصر، وكل الطلاب خرجين اداب انجليزي وتربية انجليزي وألسن انجليزي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
في جامعة
......................................
في المحاضرة يقول الدكتور
في عرض مسرحي بولندي هايتعرض يوم الثلاث الجاي في المهرجان التجريبي، اشوفكم هناك كلكوا يا ولاد الكلب يا اما هاطلع ميتين ابوكوا وهاجيبلكوا العرض ده في الامتحان ويبقى حد ابن كلب بقى يقولي انه ماشافوش، انا قلت وعملت اللي عليه
دلوقتي هانشرح السينوغرافيا
طبعا اللي بيدرسلكوا هنا مجموعة بهايم وولاد كلب مش فاهمين حاجة وفاردين نفسهم عليكوا وعاملين دكاترة، افهموا يعني ايه سينوغرافيا عشان لما يدخلوا يتنططوا عليكوا تطلعوا ميتنهم براحتكوا
وبعد كده بص بطرف عينه على باب السيكشن وشاور على دكتور معدي قدام الباب
ادي واحد ابن كلب وسخ عامل نفسه بيفهم، ده واحد من اللي عايزكوا تطلعوا ميتين ام اللي جابوه لما يدخلكوا المحاضرة الجاية
ــــــــــــــــــــــــــــــــــــــــــــــــــــــــــــــــــــــــــــ
في نفس الجامعة
في كوريدور القسم
نفس ابن الكلب الوسخ اللي شاور عليه الدكتور من شوية
* هدير
تبص له هدير في تناحة
*تعالي عايزك
هدير مش بتروح تكلمه
*هو انا مش باكلمك؟؟
*نعم يا دكتور؟
* هو انتي عملتي ايه في مادتي السنة اللي فاتت؟
* جبت 6، شلتها يعني، ماكنتش قادر يا دكتور ترفعني لسابعة عشان اخد درجات الرأفة؟
* اللي يجيب 6 يبقى يستحق انه يسقط، ابقي عدي عليه في مكتبي عشان نشوف المشكلة دي، ما هو مش معقول اقعد السنة اللي فاتت كلها اعاكسك وبعد كده اديكي 6
No comments:
Post a Comment